Sängerfreed

D'Chorale Municipale "Sängerfreed" Beetebuerg, gegrënnt am Joer 1920 als Männergesangveräin, ass am Joer 1945, ënnert dem Impuls vun eisem deemoolegen Dirigent, dem Här Jos Kinzé, als gemëschte Chouer bei der UGDA gemellt ginn.

Schonn Ausgangs den 20er bis Mëtt 50er Joere goufe vun eise Memberen, niewent dem Gesank, och Theaterstécker gespillt.

Eise Repertoire besteet nët nëmmen aus welt- lecher Musek, mee e groussen Deel vun eisen Erfolleger kommen duerch Concerten mat Kierchemusek.

Dofir versicht eis Chorale, mat ongeféier 85 aktive Sängerinnen a Sänger am Alter tëschent 17 an 82 Joer, zesumme mat eiser Dirigentin, der Madame Nancy Back-Kelsen, all Joer e weltlechen wéi och e kierchleche Concert opzeféieren.

Et ass keng musikalesch oder gesanglech Ausbil- dung verlaangt, fir bei eis matmachen ze kënnen.

Hutt Dir Freed mam Gesank a sicht Dir en interessanten a flotten Hobby?

Sidd Dir gären a Gesellschaft?

Da si Dir ëmmer bei eis wëllkomm!

D'Prouwe sinn ëmmer Mettwochs vun 19.45 Auer bis 21.45 Auer an eisem Gesangssall am Centre Sportif 1 zu Beetebuerg.


Nächst Manifestatioun:

28. Juni 2019
20:00

Schlassconcert
Musikalesch Weltrees

Schlass Beetebuerg
Chorale Municipale Sängerfreed Bettembourg

Direktioun: Nancy Back-Kelsen

Ganze Programm


News

04.04.19

+++ 100 JORESFEIER Virinfo +++

D'Chorale Municipale Sängerfreed Beetebuerg ass 1920 gegrënnt ginn.

D'Virbereedungen fir eis 100 Joresfeier d'nächst Joer lafen op Héichtouren.

E ganz aktiven Comité d'Organisatioun ënnert der Präsidentschaft vum Här Pit Klein schaffen un engem fantastesche Festprogramm fir dat ganz Joer.

Et sinn vill Surprisen dobäi an de genaue Programm kënne mir iech a kuerzer Zäit hei matdeelen.

28.01.19

DE COMITÉ AN D'MEMBERE VUN DER CHORALE MUNICIPALE "SÄNGERFREED" BETTEMBOURG

traueren ëm hire laangjärege Gesangskolleg

Fernand Weber

Éiremember zënter 2015

Mir soen him Merci fir seng Verdéngschter fir eis Chorale.

Mir wäerten de Fernand ëmmer a beschter Erënnerung behalen.

Senger Famill sprieche mir eist déifste Matgefill aus.

Mass fir den Här Fernand Weber
ass den 29.01.19 um 16:45
zu Beetebuerg an der Kierch

01.12.15

Eis Optrëtter op youtube 28/06/2014 Schlassconcert 2014
09/05/2015 Schlassconcert 2015
02/07/2015 Carmina Burana

27.10.09

AUDIO MP3

Sanctus - Pastoralmesse G-Dur op.24 Karl Kempter vun eis gesongen.

Sanctus lauschteren


Copyright © 2004-2019 Chorale Municipale Sängerfreed Asbl | Login
Counter: 289677 - grad Online: 2